Thoughts of A Female
Monday, January 22, 2007
أحلى أيام العمر
أنا اليوم الصراحة بكتب بالعاميه مالي خلق افكر وايد و الله صج تعبت من كثر ما افكر لووووووووووووول
المهم .... كل واحد منا له أيام يعدها من أحلى أيام عمره و ممكن هالأيام تكون فترة محدده أو انها أيام مطشره، يعني مثلا أيام طفوله من صوب و أيام مراهقه من صوب ثاني و أيام من عمرنا الحالي (حلوه عمرنا الحالي مني لوووول) المهم انه في أيام حلوه في عمرنا و بس
أنا أحلى أيام عمري كانت ما بين 6 سنين لأني أذكرها الى 15 سنة و الله انه كان صج وناسه كنت حد البراءة بس كنت سحيله أي هيليقيه لووووووووووووووووووووووووول
و الله كل ما أذكر هالأيام أضحك اشلون كنت جذي !و الله كل من كان يطقني بالمدرسه و أنا اسكت ما اتكلم بس لما أرد كنت أروح عند أبوي الله يرحمه و أمي الله يطولي بعمرها و ابجي
بس كنت شي و الله اسوي يا عجفتين و لا عنقوصين معه الشرايط البيض و أبوي الله يرحمه كان اييب لي أغراض المدرسه من لندن و أنا اكلوا ما عندكم ترى الحشر باجر سييييييييييييييييده أطير ثاني يوم المدرسة و اتشيحط جدام البنات و الله وكيلكم آخر شي اتيي وحده غثيثه و مليقه تاخذهم مني لا و فوق هذا اطيقني طراق و أنا ساكته كنت ثوله و الله لوووووووووووووول
و لا عاد لما اتخانق مع أخوي الي أكبر مني منو الي يروح المدرسة قبل و آخر شي يبجيني و أروح عند أبوي و أنا الي أفوز لووووووووول و أوصل مع الفراشين المدرسة و أقوف أول وحده بالطابور و اتيي هذيك المليقه و هم اترني ذاك الكف و اتوقفني آخر وحده
يتني فتره و أنا بالابتدائي أروح المدرسه بجيس خبز لبناني ما دري ليش لوووووول عشان شفت مره وحده فلسطينيه معانا حاطه كشاكيلها بهالجيس
آههههههههههههههههههههههههههه يا زين ذيك الأيام
و اما الفتره الثانيه الحلوه من عمري أنا قاعده امر فيها الحين
بديت أحس بحب أهلي الي كنت عميه عنه من فتره طويله و بديت أحس بالدنيا و اشلون الدنيا حلوه و انه ماكو شي يسوى نزعل أو نتضايق منه
بديت أعرف انه الراحه اهيه الدين و انه الاتجاه لربي سبحانه اهو الطريج الصح
الله سبحانه عطانا نعمة الدين و ما نقول الا الحمدالله على الدين :)
4 Comments:
لوووووول ضحكتيني :)))
بس بنفس الوقت كسرتي خاطري و بطوا جبدي اللي كل ساع مادين إيدهم عليج @@ ؟؟؟ شكووووو ؟
والله عورتي قلبي !!
--
إممممم عني أنا .. أحس أحلى أيامي كانت أيام امريكا .. لأني إنولد إهناك ودرست ليه سن 10 سنين .. وكنت حد البراءة .. بس لما رديت الكويت إنصدمت من المجتمع وشلون يفكرون .. وشلون يخزوون .. وكنت أبجي عند أبوي أقوله .. أنا محد يخزني قبل !! محد يدري عني .. محد يتكلم عني !!
صج على قولة اللي قال بدول الأجانب: رأيت مسلمين ولم أجد إسلاماً وبالدول العربية قال: رأيت إسلاماً ولم أجد مسلمين .. والله هالجملة 10000000% صح !!
إهناك من يدري عنج ؟؟ لا حش .. لا جذب .. لا نفاق .. وحدهم
friendly MA3A EL KEL !!
إهني اللهم يا كافي :\ فكنت في البداية شوي منصدمة من الوضع و مو مرتاحة
:(
كنت أييب معاي أفندي وفاكهة إسمها
star fruit
وكانوا البنات يخزوني بمعنى هذي من وين ياية
لوووول ..
وهم كنت نفسج بريئة لدرجة إني مقصــّة !!! وكانت وحدة تبوق مني الأفندي و تقص علي بإستيكرات وكنت أرضى مع إني أكون حدي يوعانة
@@ :P
أذكر وحدة كريهة طقتني بكوعها على خشمي من دفاشتها لأني قعدت بكرسيها @@ وأنا كنت مثل اللي ماني فاهمة ليش هالعداوة ؟؟ وكنت أرد عند أبوي أقوله .. دادي بأمريكا ما عندنا هذا كرسيي و كرسيها !! الكل يقعد بالمكان اللي يريحة .. وكان يلمني و يضحك جنه بقلبة يقوول بتشوفين وااايد
:\
والمدرسة اللي كنت فيها كانوا يعلمونه الأتيكيت و الذوق و الذرابة .. فلما رديت إهني .. كنت حدي عايشة الدور
وكنت مؤدبة لأقصى حد ..
أذكر سمعت وحدة من البنات تسب رفيجتها و تناديها ياحمارة (حشاج) جان أشهق و أحط إيدي على حلجي مصدومة !!!
لوووووووووووووووول
رديت البيت أتشكى حق أبوي .. أقولة مدرستي وسخة يقولون ألفاظ مو زينة !!
heheheh :P`p
والله أياااام .. و صاااجة أنا عن نفسي حتى أيامي الحالية أعتبرها من أحلى ايام عمري ..
على قولتج صحيت من وااايد أشياء كنت غافلة عنها .. آثاري سني إهوا سن النضوج اللي يقولون عنه !! من جذي الواحد يصحى .. فعلاً أحس إني ناضجة بفضل رب العالمين
الحمداللــــــــّه
..
سوري قرقتج
:/
OHH ! while am commenting chan yetghayar el template ;) ..
heheh
NICE ONE .. better than the bloody tear one !
:D ..
Breeze ..
من زود الفضاوه الي أنا فيها بالدوام قاعده و أحوس بالبلوق ماكو شغل و الله قبل كنت أحوس بال هاي5 بس لغيت كل شي اهناك ،الوضع حده كان حده أي شي.و الله انج ضحكيتني لوووول ترى حياتنا قبل كانت وايد أونس و الحين فهمت لما خواتي الكبار يزفوني اذا طاحوا علي لوووووووول و لا لما يقولون لي لا تلبسين جذي و لا جذي كانوا خايفين علي و الحين أنا صج خايفه على بنات خواتي و أخواني ما ابيهم يمرون بلي أنا مريت فيه
الله يستر على أختي .. لأنها بسن حرج حدة .. و أنا وااااااايد أخاف عليها !!!
لما أزفها وإلا أصرخ عليها ما تفهم حسبالها أبالغ وإلا زوود ديانة مني .. بس والله العالم إني أخااااف عليها وإهيا همي الوحيد ..
إدعي لها .. :\ تدرين قاعدة أحاتي لما تسوق :\ إهيا عمرها 15 و عرفتي اللي ما تقدر .. مو مال مسؤولية .. شخصية ضعيفة .. أمي مو معانا و أبوي إمدلعها .. فوالله مالي هم بهالدنيا غيرهاااااااا
إمططططلعة روووحي بكل شي !!!! وإذا إطلعت لا تشوفين حالتي .. أحس بأنجلط من كثر ما أحاتيها ..
لأني ربيتها تقريبا !! بيني و بينها 8 سنوات
أحسها بنتي .. ووالله أخاف عليها من كل شي ..
ما أدري شلون أعبر لج
:(
Post a Comment
<< Home